Sınoptıkter: Almatyda sáýirde jaýǵan qar aımaqqa tán qubylys
ALMATY. QazAqparat «Qazgıdromet» RMK mamandary Almatyda sáýirde jaýǵan qar týraly aıtyp berdi, dep habarlaıdy QazAqparat tilshisi.
Almatyda sáýir aıynda jaýǵan qardy qala turǵyndary tabıǵı qubylysqa balap jatsa, mamandar mundaı aýa raıy bul aımaqqa tán ekenin aıtty.
«Almatynyń gıdrometeorologııalyq stansasynyń kóp jyldan beri júrgizip kele jatqan baqylaýlaryna súıensek, Almatyda keıde mamyr aıynyń ekinshi onkúndigine deıin de qar jamylyp jatqan. Sáýir aıynyń ekinshi onkúndiginde jaýǵan qardyń kólemi 8 sm-ge deıin jetken kezder bolǵan. Al, búgin 2017 jyldyń 6 sáýiri kúni jaýǵan qardyń qalyńdyǵy 3 santımetr. Jalpy sáýir aıynda bir táýlik ishinde jaýǵan qardyń bıiktigi 21 sm-ge deıin jetken kezi bolǵan», - dedi klımotologııa basqarmasynyń basshysy Altynaı Japbasbaeva.
Sınoptıkter negizinen turaqty qar jamylǵysy 8 naýryzda sógiletinin keıde, qystyń uzaqqa sozylyp, 12 sáýirge deıin jerdiń kóbesi sógilmegen kezder bolǵan.
«Qar jamylǵysy eger 30 kúnge deıin erimeı jatsa jáne stansa mańyndaǵy qar qalyńdyǵy 6 balldy (10 balldyq ólshem) qurasa, onda turaqty dep sanalady. Sondyqtan, ádette qar jamylǵysy 4 sáýirge deıin jatady dep sanasa bolady, keıde 15 mamyrǵa deıin sozylǵan kezderi bolǵan», - dedi Altynaı Japbasbaeva.
Almaty meteostansasynyń málimetteri boıynsha 2017 jyldyń 6 sáýiri kúni qalada aýa temperatýrasy 0,5° S boldy. Tarıhta 1883 jyly bul kúni -7,4 gradýsqa deıin kún sýytqany baıqalǵan. Al 1969 jyly +25 gradýsqa deıin kún ysyǵan.
