Sınoptıkter aldaǵy úsh táýlikte kún sýytady dep otyr
ASTANA. QazAqparat - «Qazgıdromet» RMK 2017 jyldyń 4-6 sáýirine arnalǵan aýa raıy boljamyn jarııalady, dep habarlaıdy «QazAqparat» HAA tilshisi.
«Qazaqstannyń aldaǵy úsh táýliktegi aýa raıyn Qara teńizde ornalasqan tsıklonǵa baılanysty bıik barıkalyq qolat anyqtaıdy. Respýblıka aýmaǵyna qolatpen birge arktıkalyq sýyq jáne ylǵaldy aýa aǵymdary ilesip keledi. Osyǵan baılanysty sáýir aıynyń basynda aýa raıy óte sýyq bolady», - delingen habarlamada.
4-6 sáýir aralyǵynda kóptegen oblystarda aýa temperatýrasy klımattyq normadan 2-6º S-qa tómendeıdi. Jaýyn-shashyn men sýly qar jaýyp, tuman túsedi jáne kóktaıǵaq bolady. Tek batys oblystarda 5 jáne 6 sáýir kúni Reseıdiń Eýropalyq bóligindegi antıtsıklonnyń yqpalymen jaýyn-shashyn toqtap, temperatýra joǵarylaýy múmkin.
Astanada 4 sáýir kúni kún jartylaı bultty, qar jaýyp, kóktaıǵaq bolýy yqtımal. Ońtústik-batys jeli soltústik-batysqa aýysyp, onyń ekpini 9-14, túnde 15-20 m/s-qa jetedi dep kútilýde. Túnde aýa temperatýrasy 4-6°S, kúndiz 0°S bolady.
5 sáýir kúni elordada: kún jartylaı bultty, túnde jáne tańerteń qar jaýady. Soltústik-batys, batys jeliniń uıytqýy 9-14 m/s. Aýa temperatýrasy túnde -8-10°S, kúndiz 0,-2°S-ty quraıdy. 6 sáýirde Astanany jartylaı bultty, jaýyn-shashynsyz aýa raıy kútip tur. Batystan, ońtústik-batystan soqqan jeldiń ekpini 9-14 m/s-qa jetedi. Túnde temperatýra -6-8°S, kúndiz +1+3°S bolýy yqtımal.
Almatyda 4 sáýir kúni kún jartylaı bultty, túnde jáne túske deıin jaýyn-shashyndy bolyp, tuman túsedi dep boljanýda. Jeldiń jyldamdyǵy 0-5 m/s. Aýa temperatýrasy túnde 0,-2°S, kúndiz +6+8°S. 5 sáýirde bultty, keı jerlerde nóser jańbyr jaýyp, tuman túsedi. Jeldiń uıytqýy 2-7 m/s. Aýa temperatýrasy túnde 0,-2°S, kúndiz +6+8°S. 6 sáýirde Almatyny jartylaı bultty, jaýyn-shashynsyz aýa raıy kútip tur. Túnde jáne tańerteń tuman túsip, 0-5 m/s-tyq jel turady. Temperatýra túnde 0,-2°S, kúndiz +6+8°S-ty quraıdy.
