Sınoptıkter: aldaǵy úsh táýlikte boran soǵyp, kóktaıǵaq bolady
ASTANA. QazAqparat - Aldaǵy úsh táýlikte Qazaqstanda qalyń qar jaýyp, burqasyn soǵady, kúshti batys jeli soǵyp, kóktaıǵaq bolady, dep «Qazgıdromet» RMK 6-8 jeltoqsanǵa aýa raıy boljamyn habarlady.
Mundaı meteorologııalyq qubylystar Reseıdiń eýropalyq bóliginen Batys Sibirge qaraı jyljyǵan tsıklondarmen baılanysty bolady.
«Ásirese, 200-500 metrge deıin kórýdi nasharlatatyn burqasyn boran men kóktaıǵaq qaýipti. Respýblıkanyń ońtústigi men ońtústik-shyǵysyna taǵy da ońtústik tsıklony yqpal etedi. ıAǵnı, jaýyn-shashyn men tuman túsedi, kóktaıǵaq bolýy múmkin. Aýa temperatýrasy klımattyq normadan 3-6ºS joǵary bolady», - delingen habarlamada.
