Sınoptıkter aldaǵy úsh kúnniń aýa raıyna boljam jasady
ASTANA. QazAqparat - 2-4 maýsym kúnderi Qazaqstan aýmaǵynyń basym bóliginde qolaısyz aýa raıy saqtalady, keı jerlerde kún kúrt sýytady, dep habarlaıdy QazAqparat Qazgıdrometke silteme jasap.
Reseıdiń eýropalyq bóliginen ylǵaldy sýyq aýa massasy kelgendikten, demalys kúnderi Qazaqstan aýmaǵynyń basym bóliginde qolaısyz aýa raıy saqtalady, jıi jańbyr jaýyp, kún kúrkireıdi, kúsheıgen jeldiń arty daýylǵa ulasýy múmkin. Aýa temperatýrasy klımattyq normadan 3...5 gradýs tómendeıdi, eldiń soltústigi men ortalyǵynda kún sýytýy yqtımal.
Al ońtústik oblystarda jazǵa maýsymǵa tán aýa raıy bolady. Iran aýmaǵynan jyljyǵan jyly aýa massalarynyń yqpalymen temperatýra 27-35 gradýsqa deıin kóterilip, keı jerlerde +38 gradýsqa jetedi.
