Sınoptıkter aldaǵy úsh kúnge aýa raıy boljamyn jarııa etti
ASTANA. QazAqparat - Qazaqstan aýmaǵynyń basym bóligine Sibir antıtsıklony áser etedi, dep habarlaıdy Qazgıdromet.
Osyǵan baılanysty 23-25 qarashada az bultty, jaýyn-shashynsyz, aýa temperatýrasy 5-10 gradýsqa klımattyq normadan joǵary aýa raıy saqtalady, tek respýblıkamyzdyń shyǵysy men ońtústiginde bul normaǵa jaqyn bolady.
Aldaǵy úsh táýlikte ońtústik tsıklonnyń jylýy áserinen, antıtsıklon jotasy buzyla bastaıdy. Tsıklonnyń atmosferalyq aǵyndary shyǵysqa jyljý barysynda, basynda batys óńirde, al 25 qarashadan bastap respýblıkanyń basqa da oblystarynda jaýyn-shashyn, kóbinese ylǵaldy qar túrinde, ońtústiginde jańbyr, keı jerlerde tuman, soltústik oblystarda kóktaıǵaq kútiledi.
