Sınoptıkter aldaǵy úsh kúndegi aýa raıy boljamyn jarııa etti
ASTANA. QazAqparat - Sınoptıkter 19-21 shildege aýa raıy boljamyn jarııalady, dep habarlaıdy QazAqparat Qazgıdrometke silteme jasap.
«Qazaqstannyń kóptegen oblystary Reseıdiń Eýropalyq bóligindegi soltústik aımaqtarda taralǵan antıtsıklonnyń yqpalynda bolady. Sondyqtan, aýa temperatýrasy da ortasha kópjyldyq jáne odan joǵary mánge ıe bolady. Joǵary atmosferalyq qysym kezinde jeke aımaqtarda aýa temperatýrasy tómendemeıdi. Alaıda, naızaǵaı oınap, ótkinshi jańbyr jaýady. Al respýblıkanyń ońtústik jáne ońtústik-batys oblystaryna Iran aımaǵynan ystyq aýa aǵyny keledi. Munda aýa temperatýrasy 38...42 gradýs, shóldi aımaqtarda 45 gradýsqa deıin ystyq bolýy múmkin», - delingen habarlamada.
