Sınoptıkter: Aldaǵy úsh kúnde elimizde qar, jańbyr jaýyp, kóktaıǵaq bolady
ASTANA. QazAqparat - Sınoptıkter 5-7 naýryz kúnderiniń aýa raıy boljamyn jarııalady, dep habarlaıdy QazAqparat Qazgıdrometke silteme jasap.
«Naýryz aıynyń alǵashqy demalys kúnderi aýa temperatýrasy Qazaqstannyń búkil aýmaǵynda klımattyq normadan 7...13°S, batys óńirlerde 1...3°S joǵary boldy. Respýblıkanyń batys jáne qıyr soltústigindegi aýdandardy qospaǵanda, eń joǵary aýa temperatýrasy nólden joǵary boldy», - delingen habarlamada.
Aldaǵy úsh kúnde kópshilik oblystaǵy aýa raıynyń qalyptasýyna burynǵysynsha aýa aǵyndary yqpal etedi, olar soltústik jáne shyǵys óńirlerde qar jaýyp, boran soǵýyna jáne kóktaıǵaqqa sebepshi bolady. Qazaqstannyń qalǵan aýmaǵynda qar aralas jańbyr jaýyp, ońtústikte negizinen jańbyr jaýady.
