Sınoptıkter aldaǵy kúnderi aýa raıy qandaı bolatyndyǵyn aıtty
ASTANA. QazAqparat - Sınoptıkter aldaǵy úsh kúnge arnalǵan aýa raıy boljamyn jarııalady, dep habarlaıdy QazAqparat «Qazgıdromet» RMK-ǵa silteme jasap.
Atlantıkalyq tsıklonǵa baılanysty jyly aýa aǵymdary Qazaqstanǵa qaraı óte baıaý jyljyp keledi. Buǵan sýyq jáne qýatty Sibir antıtsıklonynyń respýblıkadaǵy aýa raıyna qatty yqpal etýi sebep bolyp otyr. Soǵan qaramastan kún raıy birte-birte jylynady.
Aldaǵy úsh kúnde tsıklon jáne onymen baılanysty aýa aǵyndary Qazaqstan aýmaǵy arqyly ótip, temperatýranyń kóterilýine ákeledi, sonymen qatar boran bolyp, qar jaýady, batystan qatty jel soǵady, ońtústik aýdandarǵa kóktaıǵaq bolady. Osy kezeńde aýa temperatýrasy klımattyq normaǵa jýyq bolady.
