Sınoptıkter aldaǵy demalys kúnderine aýa raıy boljamyn jarııa etti
ASTANA. QazAqparat - Sınoptıkter aldaǵy demalys kúnderi 17-19 qarashaǵa arnalǵan boljamyn jarııa etti, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, aýqymdy jáne kúshti antıtsıklon Qazaqstan aımaǵynyń basym bóligindegi sýyq aýa raıyn ustap turady.
Eske sala ketetini, eń tómengi túngi aýa temperatýrasy mınýs 10...18°S gradýs, respýblıkanyń ońtústik jartysynda keı jerlerde mınýs 20...28°S gradýs belgilendi, ol klımattyq normadan 8...15°S gradýs tómen.
Alaıda Batys Sibirdiń jáne Reseıdiń eýropalyq bóliginiń soltústik jartysy arqyly jyljyıtyn atlantıkalyq tsıklondardyń áserinen, Qazaqstanǵa Atlantıkadan jyly jáne dymqyl aýa massasy kelip jetedi. Sonyń saldarynan demalys kúnderi temperatýra joǵarylaıdy dep boljanady.
«Sondaı-aq, keı jerlerde qar jaýyp, burqasyn soǵady, jeldiń jyldamdyǵy sekýndyna 15...20 metr shamasynda bolady. Elimizdiń ońtústiginde ázirshe qar jaýmaıdy, biraq temperatýranyń joǵarylaýy kútiledi, al ońtústik-shyǵysta jeksenbide jáne dúısenbide ásirese taýly aımaqtarda qar jaýýy yqtımal», - delingen habarlamada.
