Sınoptıkter aldaǵy demalys kúnderi ótkinshi jaýyn jaýady dep boljaıdy
ASTANA. QazAqparat - Qazgıdromet RMK sınoptıkteri 24-26 maýsymǵa arnalǵan aýa-raıy boljamyn jarııa etti, dep habarlaıdy QazAqparat.
«Qazaqstannyń ońtústik, ońtústik-shyǵys jáne shyǵys oblystarynda ótken táýlikterde aýa-raıy 32-den - 39-ǵa deıin, keı jerlerinde maksımaldy 40-tan 43 gradýsqa deıin aptap ystyq boldy. Osy kezeńdegi aýa temperatýrasynyń 5-7ºS joǵary bolýy qalypty sanalady. Osy aımaqtarda, aldaǵy úsh táýlikte atmosferalyq aǵyndardyń ótýine baılanysty ystyqtyń beti qaıtady dep kútilýdk, keı jerlerde ótkinshi jańbyr, naızaǵaı jarqyldap, daýyldy jel 15-25m/s soǵyp, keı jerlerde burshaq bolýy yqtımal», - delingen habarlamada.
Respýblıkanyń qalǵan aımaǵynda Reseıdiń Edil ózeni boıynan jyljyp kele jatqan, salqyn aǵyndardyń áserinen jańbyr jaýyp, keı jerlerde burshaq pen qatty ekpindi jel bolady dep boljanýda. Temperatýra tómendeıdi, ol klımattyq normaǵa jaqyn bolady.
Astana qalasyna arnalǵan aýa raıy boljamy
24 maýsym: kún ala bultty, kúndiz ótkinshi jańbyr jaýyp, naızaǵaı oınaıdy. Ońtústik-batystan soqqan jel soltústik-batysqa aýysyp, onyń ekpini 9-14 m/s-qa jetedi. Aýa temperatýrasy túnde +17+19°S, kúndiz +27+29°S.
25 maýsym: kún ala bultty, jaýyn-shashynsyz bolady. Batystan soqqan jeldiń ekpini 9-14 m/s. Aýa temperatýrasy túnde +14+16°S, kúndiz +28+30°S.
26 maýsym: kún ala bultty, kúndiz ótkinshi jańbyr jaýyp, naızaǵaı oınaıdy. Batystan soqqan jeldiń ekpini - 9-14 m/s. Aýa temperatýrasy túnde +15+17°S, kúndiz +28+30°S.
Almaty qalasyna arnalǵan aýa raıy boljamy
24 maýsym: kún ala bultty, ótkinshi jańbyr jaýady. Jeldiń ekpini - 2-7 m/s, onyń uıytqýy - 10 m/s. Aýa temperatýrasy túnde +19+21°S, kúndiz +30+32°S.
25 maýsym: kún ala bultty, kúndiz ótkinshi jańbyr jaýyp, kún kúrkireıdi. Jeldiń ekpini - 2-7 m/s, uıytqýy - 10 m/s. Aýa temperatýrasy túnde +18+20°S, kúndiz +27+29°S.
26 maýsym: kún ala bultty, jaýyn-shashynsyz. Jeldiń ekpini - 0-7 m/s. Aýa temperatýrasy túnde +18+20°S, kúndiz +30+32°S.
