Sınoptıkter aldaǵy 3 kúnge aýa raıy boljamyn jasady
ASTANA. QazAqparat - Sınoptıkter 2-4 aqpanǵa arnalǵan aýa raıy boljamyn jasady, dep habarlaıdy «QazAqparat» HAA tilshisi.
«Aqpan aıynda qar jaýyp, burqasyndatady. Kezekti tsıklon Batys Sibirge aýysyp, Soltústik Qazaqstan arqyly ótedi. Tsıklon men atmosferalyq aǵymdar kóptegen oblystarda aýa-raıyn ózgertedi. Soǵan baılanysty, qar jaýyp, burqasyn bolady. Jol kórinisi múmkinshiligi nasharlap, 500 metrge deıin barady. Jeldiń uıytqýy 15-20 metr sekýndqa, al soltústik oblystarda onyń jyldamdyǵy 23-28 metr sekýndqa deıin jetedi», - dep aıtylady habarlamada.
Sınoptıkterdiń deregine súıensek, Qazaqstannyń ońtústik jáne ońtústik-shyǵys oblystary ońtústik tsıklonnyń aýa aǵymynda bolady. Sondyqtan bul jerlerde jaýyn-shashyn bolyp, ylǵaldy qar jaýyp, tuman túsip, batystan qatty jel soǵady, keı jerlerde jeldiń jyldamdyǵy 23-28 metr sekýndqa deıin jetedi. Aýa temperatýrasy tómendep, kók taıǵaq, qar men tumannyń saldarynan kórinis múmkindigi tómendep, 200-500 metrge deıin barady.
