Sınoptıkter aldaǵy úsh kúnniń aýa raıy boljamyn jarııalady

ASTANA. KAZINFORM – Qazgıdromet 21-23 mamyr aralyǵyndaǵy aýa raıy boljamyn usyndy.

Sınoptıkterdiń málimetinshe, elimizdiń basym bóliginde kún jaýyn-shashyndy bolady.

«Atmosferalyq aǵyndardyń áserinen barlyq oblystarda naızaǵaı oınap, burshaq jaýyp, jel kúsheıip, jańbyr jaýady. Tek keı kúnderi ǵana batys oblystarda joǵary qysymnyń áserinen jaýyn-shashyn toqtap, túnde 2 gradýsqa deıin sýytady. Al ońtústik-batys aǵyndary mamyr aıynda kúndizgi temperatýranyń kóterilýine yqpal etedi. Aıtalyq batys, ońtústik oblystarda 18-28 gradýsqa deıin, soltústik, ortalyq, shyǵys aımaqtarda 15-23 gradýsqa deıin kóteriledi, tek 23 mamyrda eldiń soltústiginde aýa temperatýrasy 7 gradýsqa deıin tómendeıdi»,- delingen habarlamada.