Sınoptıkter: Aqpannyń 11-i kúni aýa raıy qandaı bolady
NUR-SULTAN. QazAqparat - Qazgıdromet aldaǵy kúnderge aýa raıy boljamyn usyndy, dep habarlaıdy QazAqparat.
11 aqpanda Qyzylorda oblysynyń keı jerlerine tuman túsedi.
11 aqpanda túnde Túrkistan oblysynyń keı jerlerine qalyń qar jaýady. Keı jerlerdge tuman túsip, kóktaıǵaq bolady. Soltústik-batystan soltústik-shyǵysqa aýysatyn jeldiń kúshi 15-20 m/s-ke jetedi. Túrkistan qalasynda 11 aqpanda túnde tuman túsip, kóktaıǵaq bolady.
Shymkent qalasynda 11 aqpan kúni túnde qalyń qar jýýy yqtımal. Keı jerlerge tuman túsip, kóktaıǵaq bolady.
11 aqpanda Aqmola oblysynyń keı jerlerine tuman túsip, burqasyn bolýy múmkin. Ońtústik-batystan jel soǵyp, keı jerlerde onyń kúshi 15-20 m/s-ke jetedi.
Kókshetaý qalasynda 11 aqpanda ońtústik-batystan jel soǵyp, tańerteń jáne kúndiz onyń ekpini 15 m/s-ke jetýi yqtımal.
11 aqpanda Soltústik Qazaqstan oblysynyń keı jerlerinde burqasyn bolady. Ońtústik-batystan jel soǵyp, kúndiz keı jerlerde onyń kúshi 15-20 m/s-ke jetedi. Petropavl qalasynda 11 aqpan kúni kúndiz ońtústik-batystan jel soǵyp, ekpini 15-20 m/s bolýy múmkin.
11 aqpan kúni Shyǵys Qazaqstan oblysynda aýa temperatýrasy 10-15°S-qa tómendep, keı jerlerde 18°S aıaz bolady.
ShQO Tótenshe jaǵdaılar departamenti oblys turǵyndaryna eshqaıda asyqpaýǵa, jolǵa shyqpas buryn aýa raıyn aldyn ala bilip alýǵa keńes beredi. Egde jastaǵy adamdardyi kóshege shyqpaǵany durys. Eger kóshege shyǵý qajet bolǵan jaǵdaıda ushy rezeńke nemese úshkir taıaq alyp júrgen jón. Qulap qalmaý úshin qoldy qaltaǵa salmaý kerek.
Kóktaıǵaq kezinde jol apaty kóbeıedi. Joldaǵy apattyq jaǵdaıdyń aldyn alý úshin jyldamdyqty, qashyqtyqty saqtaǵan durys.
