Sınoptıkter 9 óńirde eskertý jarııalady

«Qazgıdromet» RMK 14 qarashaǵa kún raıy boljamyn usyndy, dep habarlaıdy Kazinform.

Sınoptıkter málimetine súıensek, respýblıkanyń basym bóliginde antıtsıklon jotasynyń yqpalymen ashyq, jaýyn-shashynsyz kún raıy saqtalady. Elimizdiń batysynda, soltústik-batysynda tsıklon jyrasy men atmosferalyq fronttardyń ótýine baılanysty jańbyr kútiledi, soltústik-shyǵys pen shyǵysta qar aralas jańbyr jaýady. Barlyq óńirde tuman, jeldiń kúsheıýi, ońtústik-batysta shańdy daýyl boljanady.

Sondaı-aq kún raıynyń qolaısyzdyǵyna baılanysty 9 óńirde eskertý jarııalandy.

Atap aıtqanda, túnde jáne tańerteń Batys Qazaqstan oblysynyń ońtústiginde, batysynda tuman kútiledi. Ońtústik-shyǵystan jel soǵady, túnde oblystyń soltústik-shyǵysynda ekpini 15-20 m/s quraıdy.

Túnde jáne tańerteń Atyraý oblysynyń batysynda tuman kútiledi. Ońtústik-shyǵystan ońtústik-batysqa aýysyp jel soǵady, óńirdiń shyǵysynda ekpini 15-20 m/s quraıdy.

Túnde jáne tańerteń Qaraǵandy oblysynyń shyǵysy men ortalyǵynda tuman boljanady. Ońtústik-batystan, ońtústikten jel soǵady, kúndiz oblystyń batysy men ońtústiginde 18 m/s ekpinde jel turady.

Túnde jáne tańerteń Aqtóbe oblysynyń shyǵysynda tuman kútiledi. Kúndiz óńirdiń batysy men soltústiginde ekpini 15-20 m/s quraıdy.

Túnde jáne tańerteń Aqmola oblysynyń shyǵysynda tuman boljanady. Ońtústik-batystan jel soǵady, óńirdiń batysy men soltústiginde ekpini 15-20 m/s quraıdy.

Túnde jáne tańerteń Ulytaý oblysynyń soltústigin tuman basyp, ońtústik-shyǵystan jel soǵady. Kúndiz jeldiń kúshi óńirdiń batysy men soltústiginde 18 m/s quraıdy.

Kúndiz Mańǵystaý oblysynyń shyǵysynda shańdy daýyl turady. Ońtústik-shyǵystan soǵatyn jel soltústik-batysqa aýysyp, kúndiz óńirdiń batysy men shyǵysynda ekpini 15-20 m/s jetedi.

Soltústik Qazaqstan oblysynyń batysy men soltústiginde tuman kútiledi. Jeldiń jyldamdyǵy 25 m/s kúsheıýi yqtımal.

Táýlik boıy Pavlodar oblysynyń batysynda, soltústigi men shyǵysynda tuman kútiledi.