Sınoptıkter 7 qarasha kúngi aýa raıy boljamyn jarııa etti
ASTANA. QazAqparat - Búgin Qazaqstannyń basym bóliginde atmosferalyq aǵyndardyń ótýine baılanysty aýa raıy turaqsyz bolady, dep habarlaıdy QazAqparat «Qazgıdromet» RMK-nyń málimetterine silteme jasaı otyryp.
Kásiporyn málimetterine qaraǵanda, elimizdiń batysynda ǵana kún jaýyn-shashynsyz bolady. Keı jerlerde ekpindi jel soǵyp, tuman túsedi, kóktaıǵaq bolyp, soltústikte jaıaý burqasyn soǵady.
Aqmola, Qostanaı, Soltústik Qazaqstan, Shyǵys Qazaqstan oblystarynyń birqatar aımaqtarynda tuman túsip, kóktaıǵaq bolady, jeldiń jyldamdyǵy sekýndyna 15-20 m/s-qa deıin kúsheıedi.
Aqmola oblysynda jaıaý burqasyn soǵýy yqtımal.
Almaty, Túrkistan oblystarynyń keı jerlerinde jel 15-20 m/s-qa deıin kúsheıip, túnde Almaty oblysynyń keı jerlerinde tuman túsedi.
Qaraǵandy, Pavlodar oblystarynda tuman túsip, kóktaıǵaq bolady. Kúndiz Qaraǵandy oblysynyń keı jerlerinde jel 15-20 m/s jyldamdyqpen uıtqıdy.
Qyzylorda, Jambyl, Mańǵystaý, Batys Qazaqstan oblystarynyń birqatar aımaqtarynda tuman túsýi múmkin. Kúndiz Jambyl oblysynyń keı jerlerinde jel 15-20 m/s-qa deıin kúsheıedi.
