Sınoptıkter 6 óńirde eskertý jarııalady
ASTANA. QazAqparat – «Qazgıdromet» RMK 28 sáýirde kún raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.
Atap aıtqanda, túnde jáne tańerteń Mańǵystaý oblysynyń batysy men ońtústiginde tuman kútiledi.
Táńerteń jáne kúndiz Qostanaı oblysynyń soltústigi men shyǵysynda – naızaǵaı, ońtústiginde tuman boljanady. Ońtústik-batystan soǵatyn jel soltústik-shyǵysqa aýysady, kúndiz óńirdiń soltústigi men shyǵysynda ekpini 15-20 m/s quraıdy.
Jetisý oblysynyń Alakól kólderi aýdanynda shyǵystan jel soǵady ekpini keı ýaqyttarda 28 m/s jetýi yqtımal.
Kúndiz Soltústik Qazaqstan oblysynyń soltústigi men shyǵysynda naızaǵaı bolady. Túnde jáne tańerteń oblystyń batysynda tuman kútiledi. Kúndiz óńirdiń basym bóliginde jeldiń kúshi 15-20 m/s quraıdy, soltústigi men shyǵysynda 25 m/s jetýi yqtımal.
Kúndiz Pavlodar oblysynyń soltústiginde ońtústik-batystan jel soǵady, ekpini 15-20 m/s quraıdy.
Kúndiz Túrkistan oblysynyń taýlarynda naızaǵaı boljanady. Shyǵystan, ońtústik-shyǵystan jel soǵady, oblystyń taýly aýdandarynda kúshi 15-20 m/s quraıdy.
