Sınoptıkter 5 óńirde eskertý jarııalady
NUR-SULTAN. QazAqparat – «Qazgıdromet» RMK aýa raıynyń buzylýyna oraı birneshe óńirde eskertý jarııalady, dep habarlaıdy QazAqparat.
Atap aıtqanda, 20 qarashada Aqmola oblysynda keı jerlerde tuman kútiledi. Ońtústik-batystan jel soǵady, tańerteń jáne kúndiz onyń kúshi 15-20 m/s artady.
20-22 qarashada Jambyl oblysynda keı jerlerde tuman, jaıaý burqasyn kútiledi. Soltústik-shyǵystan jel soǵady, ekpini 15-20 m/s jetedi.
20-21 qarashada Qaraǵandy oblysynyń keı jerlerinde tuman bolady.
20 qarashada Túrkistan oblysynyń keı jerlerinde tuman, jaıaý burqasyn boljanady. Shyǵystan soǵatyn jeldiń kúshi 15-20 m/s kúsheıedi.
20-21 qarashada Soltústik Qazaqstan oblysynyń keı jerlerinde túnde jáne tańerteń tuman bolady. 20 qarashada kúndiz, 21 qarashada táýlik boıy ońtústik-batystan jel soǵady. Keı jerlerde kúshi 15-20 m/s artady.
