Sınoptıkter 4 qańtarǵa aýa raıy boljamyn usyndy

ASTANA. KAZINFORM – Sınoptıkter 4 qańtar kúni el aýmaǵyndaǵy tabıǵat qubylystaryna qatysty aýa raıy boljamyn jarııalady. 

Qazgıdromettiń málimetine súıensek, tek Qazaqstannyń ońtústik-batysy men shyǵysynda jaýyn-shashynsyz aýa raıy saqtalady.

Jaqyn kúnderi Qazaqstan arqyly Jerorta teńizinen tsıklon ótedi. Soǵan balanysty respýblıkanyń kóp bóliginde tsıklon men atmosferalyq fronttardyń áserinen qar men boran kútiledi, al batys pen ońtústikte jańbyr men qar jaýady. Túrkistan oblysynyń taýly aımaqtarynda túnde jáne tańerteń kúshti jaýyn-shashyn bolýy múmkin.

Elimizdiń batysynda aýa temperatýrasy túnde 0-8 gradýsqa deıin, kúndiz 2 gradýs aıaz -5 gradýsqa deıin kóteriledi. Al, ortalyǵynda aýa temperatýrasy túnde -10°C-tan -18°C-qa deıin tómendeıdi, kúndiz -5°C-den -12°C-qa deıin, ońtústik aımaqta aýa temperatýrasy túnde -0°S-tan -10°C-qa deıin, kúndiz -6°C-den -2°C-qa deıin, ońtústik-shyǵysta aýa temperatýrasy túnde -0°S-tan -5°S-qa deıin, al taýly aımaqtarda -8°S-tan -13°S-qa deıin, kúndiz -2°S-tan -3°S-qa deıin tómendeıdi. Respýblıkanyń shyǵysynda aýa temperatýrasy túnde -5°S -13°S, kúndiz -5°S-tan -10°S deıin kóteriledi dep boljanyp otyr. 

Aıta keteıik, Qazaqstan boıynsha kóktaıǵaq, tuman, ekpindi jel kútiledi.

Eske salsaq, osyǵan deıin 3 qańtarda respýblıka boıynsha qaı joldarda qozǵalys shektelgenin jazǵanbyz.