Sınoptıkter: 4-6 qarasha aralyǵynda kún sýytady
ASTANA. QazAqparat - Sınoptıkter 4-6 qarasha aralyǵynda Qazaqstannyń barlyq aýmaǵynda kún sýytady dep boljam jasady, dep habarlaıdy «Qazgıdromet» RMK.
«Qazaqstanda jyly aýa raıyna áser etken ońtústik-batys troposferalyq aýa aǵyndary batysqa, keıin soltústik-batysqa yǵysa bastaıdy. Soltústik oblystarǵa jaýyn-shashyn ákelgen ońtústik jyly tsıklony Batys Sibirdiń ońtústigine jyljıdy. Respýblıkanyń shyǵys jáne ońtústik-shyǵysynda bul tsıklonnyń sýyq aýa aǵyndary sońy qarǵa ulasatyn jańbyr týdyrady. Arty tsıklonǵa aýysatyn antıtsıklon respýblıkanyń barlyq aýmaǵynda kúnniń sýytýyna yqpal etedi», - delingen habarlamada.
