Sınoptıkter 38 gradýsqa deıin aptap ystyq kútiletin bes óńirdi atady

ASTANA. KAZINFORM — «Qazgıdromet» RMK 12 maýsymǵa arnalǵan aýa raıy boljamyn usyndy.

Respýblıkamyzdyń basym bóligindegi aýa raıyna ońtústik tsıklon jáne onymen baılanysqan atmosferalyq fronttar yqpalyn tıgizedi.

— Jańbyr jaýyp, naızaǵaı bolady. Elimizdiń soltústik-batysynda qatty jańbyr jaýady, soltústik-batysta, ortalyqta burshaq bolady. Respýblıka boıynsha jel kúsheıedi, ońtústikte shańdy daýyl, daýyl bolady. Respýblıkamyzdyń ońtústik-batysynda túnde jáne tańerteń tuman kútiledi. Tek elimizdiń shyǵysynda antıtsıklonnyń áserinen jaýyn-shashynsyz, ashyq aýa raıy saqtalady, — delingen habarlamada.

Almaty, Qaraǵandy oblystarynda, Ulytaý, Jetisý, Abaı oblystarynda, Batys Qazaqstan oblysynyń soltústiginde, Pavlodar oblysynyń batysynda, ońtústiginde, Aqtóbe oblysynyń ortalyǵynda, Jambyl oblysynyń shyǵysynda, Mańǵystaý oblysynyń soltústik-batysynda, ońtústik-shyǵysynda, ortalyǵynda, Aqmola oblysynyń ońtústiginde, Soltústik Qazaqstan oblysynyń batysynda, soltústiginde, Qostanaı oblysynyń soltústiginde, ońtústik-shyǵysynda, ortalyǵynda, Shyǵys Qazaqstan oblysynyń ońtústik jartysynda joǵary órt qaýpi kútiledi.

Qyzylorda, Jambyl, Túrkistan oblystarynda, Atyraý oblysynyń soltústik-batysynda, shyǵysynda, ortalyǵynda, Aqtóbe oblysynyń batysynda, soltústiginde, ońtústiginde, ońtústik-shyǵysynda, Almaty oblysynyń batysynda, soltústiginde, Mańǵystaý oblysynyń soltústiginde, shyǵysynda, Qostanaı, Batys Qazaqstan jáne Ulytaý oblystarynyń ońtústiginde, Qaraǵandy oblysynyń batysynda, Abaı oblysynyń ońtústiginde, ońtústik-batysynda, Jetisý oblysynyń soltústiginde, shyǵysynda tótenshe órt qaýpi kútiledi.

— Kúndiz Almaty, Jetisý, Batys Qazaqstan, Atyraý oblystarynda, Abaı oblysynyń ońtústiginde 35-38 gradýs qatty ystyq kútiledi, — dep qosty sınoptıkter.

Osyǵan deıin «Qazgıdromet» RMK-sy Qazaqstannyń birqatar óńirinde aýa raıyna baılanysty eskertý jarııalady.