Sınoptıkter 31 qańtarda Qazaqstanda aýa sapasy qandaı bolatynyn aıtty
ASTANA. QazAqparat - 27 qańtardaǵy meteorologııalyq jaǵdaıǵa sáıkes, Qazaqstannyń 12 qalasynda atmosferanyń lastanýy baıqalady, dep habarlaıdy «QazAqparat» HAA «Qazgıdromet» RMK-ǵa silteme jasap.
Vedomstvonyń aqparatyna súıensek, 31 qańtarda qolaısyz meteorologııalyq jaǵdaılar Astana, Aqtóbe, Almaty, Qaraǵandy, Kókshetaý, Pavlodar, Petropavl, Taldyqorǵan, Qyzylorda, Taraz, Óskemen jáne Shymkent qalalarynda baıqalady.
Atyraý atmosferasynda azdaǵan lastaýshy zattar jınalýy múmkin. Sondaı-aq Aqtaý, Qostanaı, Oral qalalarynda atmosferaǵa lastaýshy zattar taralady, deıdi Qazgıdromettegiler.
Aýanyń lastanýyna boljam jasaýda atmosferadaǵy zııandy (lastaýshy) zattardyń jınalýyna yqpal etetin meteorologııalyq faktorlar (tynysh, baıaý jel, tuman, ınversııa) eskeriledi. Bul jaǵdaıda eldi mekenderdegi atmosferalyq aýanyń sapasy nasharlap ketedi.
