Sınoptıkter 26 maýsymǵa arnalǵan aýa raıy boljamyn jarııa etti
ASTANA. QazAqparat - Atmosferalyq frontaly bólikterdiń ótýine baılanysty Qazaqstannyń basym bóliginde aýa raıy qubylmaly bolady, dep habarlaıdy QazAqparat «Qazgıdromet» RMK-nyń málimetterine silteme jasap.
Keı jerlerde jaýyn jaýyp, jel kúsheıedi, tipti burshaq jaýýy da múmkin. Eldiń batysynda ǵana kún ashyq bolady.
Aqmola, Soltústik Qazaqstan, Pavlodar, Shyǵys Qazaqstan, Jambyl oblystarynyń birqatar bóliginde sekýndyna 15-20 metr jyldamdyqpen jel soǵady. Jel kúsheıip, burshaq jaýýy yqtımal. Soltústik Qazaqstan oblysynda túnde jáne tań ata tuman túsedi.
Ońtústik Qazaqstan oblysynda keı jerlerde jeldiń jyldamdyǵy sekýndyna 15-20 metrge jetedi.
Qostanaı, Qaraǵandy oblystarynyń birqatar aımaqtarynda sekýndyna 15-20 metr jyldamdyqpen jel soǵady, burshaq jaýýy yqtımal.
Almaty, Qyzylorda, Aqtóbe oblystarynda jel sekýndyna 15-22 metr jyldamdyqpen uıtqıdy.
Kúndiz Mańǵystaý, Aqtóbe oblystarynyń keı jerlerinde aptap ystyq bolady. Batys Qazaqstan, Atyraý oblystarynda ystyq, keı jerlerde qatty ystyq bolady.
Mańǵystaý, Atyraý oblystary men Batys Qazaqstan, Aqtóbe, Qyzylorda, Ońtústik Qazaqstan, Shyǵys Qazaqstan oblystarynyń keı jerlerinde órt qaýpi týyndaıdy.
