Sınoptıkter 26 aqpanda Qazaqstanda jel kúsheıedi dep boljam jasaýda
ASTANA. QazAqparat - Qazaqstan aýmaǵynyń basym bóliginde aýa raıy ashyq bolady, eldiń batysy men soltústik-batysynda ǵana atmosferalyq aǵyndardyń ótýimen jaýyn-shashyndy, kóktaıǵaq bolady.
Qazgıdromettiń habarlaýynsha, Almaty oblysynda keı jerlerde jel 15-20 m/s-qa, Jalańashkól aýdanynda - uıtqýy 30 m/s-qa deıin jetedi. Jambyl oblysynda keı jerlerde jel 19-24 m/s-qa deıin kúsheıedi, túnde - tuman túsedi.
Aqmola, Batys Qazaqstan oblystarynda keı jerlerde tuman túsedi, kóktaıǵaq bolady, kúndiz jel 15-20 m/s-qa deıin kúsheıedi. Qostanaı oblysynda keı jerlerde tuman túsedi, kóktaıǵaq bolady, jel 18 m/s-qa deıin kúsheıedi. Ońtústik Qazaqstan oblysynda keı jerlerde jeldiń ekpini 15-20 m/s-qa jetedi. Atyraý oblysynda keı jerlerde tuman túsedi, kóktaıǵaq bolady.
Mańǵystaý, Aqtóbe, Soltústik Qazaqstan, Shyǵys Qazaqstan oblystarynda, túnde Pavlodar oblysynda keı jerlerde tuman túsedi. Qaraǵandy oblysynda keı jerlerde tuman túsedi, kúndiz keı jerlerde kóktaıǵaq bolady.
