Sınoptıkter 25 aqpanǵa arnalǵan aýa raıy boljamyn jarııalady
ASTANA. KAZINFORM — «Qazgıdromet» 25 aqpanda bolatyn qaýipti meteorologııalyq qubylystarǵa boljamyn jasady.
Sınoptıkter boljamynsha, tsıklondar jáne olarmen baılanysqan frontaldy bólikter álide QR aýmaǵynyń basym bóligine óz áserin tıgizetin bolady, nátıjesinde elimizde jaýyn-shashyn (jańbyr, qar) kútiledi.
— Túnde Ulytaý oblysynda, kúndiz Qyzylorda oblysynda qatty jaýyn-shashyn (jańbyr, qar) jaýýy yqtımal. Kúndiz Túrkistan oblysynyń ońtústiginde qatty jańbyr, batysynda qatty jaýyn-shashyn kútiledi. Tek elimizdiń shyǵysynda, ońtústik-shyǵysynda jaýyn-shashynsyz aýa raıy saqtalady. Respýblıka boıynsha tuman, kóktaıǵaq, jeldiń kúsheıýi, burqasyn bolady, — delingen «Qazgıdromet» taratqan habarlamada.
Budan buryn elimizdiń soltústigindegi eki óńirde kún raıynyń kúrt ózgerýine baılanysty joldar jabylǵanyn jazǵan edik.