Sınoptıkter 21 maýsymda Qazaqstandaǵy aýa raıy turaqsyz bolatynyn boljaýda
ASTANA. 20 maýsym. QazAqparat - Atmosferalyq frontaldyq aǵyndardyń ótýimen Qazaqstannyń kóptegen aýmaǵynda 21 maýsym kúni aýa raıynyń turaqsyz sıpaty saqtalady, eldiń batysy men shyǵysynda jańbyr jaýyp, naızaǵaı oınaıdy,
burshaq túsýi múmkin, dep habarlaıdy Qazgıdrometke silteme jasaǵan QR TJM-niń baspasóz qyzmetinen.
Qyzylorda oblysynda keıbir jerlerde jeldiń kúsheıýi, shańdy daýyl kútiledi.
Mańǵystaý oblysynda túnde tuman túsedi, jeldiń kúshi 15-20 m/s-qa deıin jetedi.
Atyraý, Batys Qazaqstan, kúndiz Qostanaı oblysynda keıbir jerlerde jeldiń kúshi 15-20 m/s-qa deıin jetedi.
Shyǵys Qazaqstan oblysynda keıbir jerlerde jeldiń jyldamdyǵy sekýndyna 15-20 metrge deıin kúsheıýi múmkin, keıbir jerlerde burshaq túsýi yqtımal.
Túnde Soltústik Qazaqstan oblysynyń keıbir jerlerinde tuman túsýi múmkin.
Qyzylorda oblysynda, Atyraý, Batys Qazaqstan, Aqtóbe, Qaraǵandy oblystarynda tótenshe joǵary órt qaýiptiligi saqtalady.
Respýblıkanyń ońtústiginde, soltústiginde jáne ortalyǵynda kún qatty ystyq bolady.
Jaqyn táýlikterde Qazaqstannyń ońtústik, ońtústik-shyǵysyndaǵy taýly ózenderde sý deńgeıiniń aýytqýlary baıqalady. Shyǵystaǵy jekelegen taýly ózenderde jaýyn-shashynǵa baılanysty sý deńgeıiniń odan ári kóterilýi kútiledi.
