Sınoptıkter 14 jeltoqsan kúni aýa raıy qandaı bolatynyn aıtty
ASTANA. QazAqparat - Atmosferalyq fronttardyń ótýine baılanysty Qazaqstannyń basym bóliginde jaýyn-shashyn jaýady. Tek ońtústik jáne ońtústik-shyǵysta kún ashyq bolýy múmkin. Respýblıkanyń keı jerlerinde tuman túsip, kóktaıǵaq kútiledi, dep habarlaıdy QazAqparat Qazgıdrometke silteme jasap.
Atyraý, Batys Qazaqstan, Aqtóbe, Mańǵystaý oblystarynyń keı jerlerinde tuman, kóktaıǵaq bolyp, jeldiń ekpini 15-20 m/s deıin kúsheıedi.
Batys Qazaqstan, Aqtóbe oblystarynda burqasyn bolady.
Almaty oblysynyń keı jerlerinde túnde jáne tańerteń tuman túsip, Jalańashkól aımaǵynda jel jyldamdyǵy sekýndyna 18-26 metrge deıin jetedi.
Jambyl, Qyzylorda oblystarynyń keı jerlerinde tańerteń jáne kúndiz tuman, kóktaıǵaq baıqalady. Jambyl oblysynda qarqyny sekýndyna 15-20 metr bolatyn kúshti jel soǵady.
Qostanaı oblysynyń keı jerlerinde tuman, burqasyn, kóktaıǵaq bolýy yqtımal. Jel ekpini 15-20 m/s deıin kúsheıedi.
Túrkistan, Aqmola, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinde tuman kútiledi.
