Sınoptıkter 13 tamyzǵa arnalǵan aýa raıy boljamyn usyndy

ASTANA. KAZINFORM — Respýblıka boıynsha jel kúsheıýi, túnde jáne tańerteń soltústiginde tuman, kúndiz eldiń ońtústiginde shańdy daýyl kútiledi, dep habarlaıdy «Qazgıdromet» RMK baspasóz qyzmeti.

— Soltústik-batys tsıklonynyń jáne onymen baılanysty atmosferalyq fronttardyń áserinen eldiń batysynda, soltústiginde, shyǵysynda jáne ortalyǵynda naızaǵaı oınap, jańbyr jaýady. Qazaqstannyń soltústik–batysynda, soltústiginde burshaq jaýady, sonymen qatar daýyldy jel turyp, jańbyr quıady. Respýblıkanyń ońtústiginde antıtsıklon sileminiń áserinen jaýyn-shashynsyz aýa raıy kútiledi, — delingen habarlamada.

Budan bólek kúndiz Almaty, Jambyl, Jetisý oblystarynda 35-38 gradýs qatty ystyq bolady kútiledi.

Al kúndiz Almaty oblysynyń batysynda, ortalyǵynda, Jetisý oblysynyń ońtústiginde 40-41 gradýs qatty ystyq bolady.

Batys Qazaqstan oblysynda, Atyraý oblysynyń soltústiginde, batysynda, Aqtóbe oblysynyń shyǵysynda, batysynda, Qyzylorda oblysynyń ortalyǵynda, Jambyl oblysynyń ońtústiginde, ortalyǵynda, Abaı oblysynyń soltústik-batysynda, Ulytaý oblysynyń ortalyǵynda, Jetisý oblysynyń batysynda, soltústiginde, ortalyǵynda, , Mańǵystaý oblysynyń ońtústik-batysynda, ortalyǵynda, Almaty oblysynyń ońtústiginde joǵary órt qaýpi kútiledi.

Túrkistan, Qyzylorda oblystarynda, Batys Qazaqstan oblysynyń batysynda, Mańǵystaý oblysynyń soltústik-batysynda, soltústiginde, shyǵysynda, ońtústiginde, Almaty oblysynyń soltústiginde, batysynda, shyǵysynda, Jambyl oblysynyń soltústiginde, batysynda, shyǵysynda, Atyraý oblysynyń ońtústiginde, shyǵysynda, Qostanaı oblysynyń ońtústiginde, Aqtóbe, Qaraǵandy, Ulytaý, Abaı oblystarynyń ońtústiginde, Batys Qazaqstan oblysynyń batysynda tótenshe órt qaýpi bar.

Osyǵan deıin el boıynsha burshaq jaýyp, daýyl soǵatyny habarlanǵan edi.