Sınoptıkter 13 óńirde eskertý jarııalady

ASTANA. QazAqparat – «Qazgıdromet» RMK aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Atap aıtqanda, 4 aqpanda Atyraý oblysynyń ońtústigi men batysynda kóktaıǵaq kútiledi.

4 aqpanda Qyzylorda oblysynyń ońtústiginde, batysy men ortalyǵynda kóktaıǵaq saqtalady, tuman bolady.

4 aqpanda Aqmola oblysynyń soltústigi men shyǵysynda tuman kútiledi.

4-6 aqpanda Almaty oblysynyń taýly jáne taý etegindegi aýdandarda tuman, kóktaıǵaq boljanady. Jel batys baǵyttan shyǵys baǵytqa aýysady, oblystyń batysynda jáne shyǵysynda ekpini 15-20 m/s quraıdy.

4-6 aqpanda Almaty qalasynda túnde jáne tańerteń tuman, kóktaıǵaq kútiledi.

4 aqpanda Mańǵystaý oblysynyń shyǵysynda burqasyn bolady. Óńirdiń batysynda, shyǵysy men ortalyǵynda kóktaıǵaq kútiledi. Jeldiń jyldamdyǵy 15-20 m/s quraıdy.

4 aqpanda Ulytaý oblysynyń basym bóliginde jaıaý burqasyn kútiledi.

4 aqpanda Qaraǵandy oblysynyń soltústigi men shyǵysynda jaıaý burqasyn kútiledi. Oblystyń ońtústik-shyǵysynda tuman, kóktaıǵaq boljanady.

4 aqpanda túnde jáne tańerteń Batys Qazaqstan oblysynyń batysyn tuman basady.

4 aqpanda Soltústik Qazaqstan oblysynyń soltústiginde, batysy men shyǵysynda tuman kútiledi.

Sondaı-aq 4-10 aqpan aralyǵynda Túrkistan, Jambyl, Almaty jáne Jetisý oblystarynda jańbyr jáne jylbysqy qar túrindegi qatty jaýyn-shashyn boljanady. Aýa temperatýrasy joǵarylaıdy. Osyǵan baılanysty qar jyldam erip, taý betkeılerinen tasqyn sý aǵady, ózen-kólderde muz álsireıdi, sý deńgeıi kóteriledi. Bul rette sý arnadan asyp, tasqyn sý jaıylýy yqtımal.