Sınoptıkter 13 aqpanda Qazaqstanda aýa sapasynyń qandaı bolatynyn aıtty
ASTANA. QazAqparat - 13 aqpan, seısenbi kúngi meteorologııalyq jaǵdaılar Qazaqstannyń 16 qalasynyń atmosferasynda lastaýshy zattardyń jınalýyna yqpal etedi, dep habarlaıdy «QazAqparat» HAA «Qazgıdromet» RMK-ǵa silteme jasap.
Qolaısyz meteojaǵdaılar Aqtóbe, Aqsaı, Oral, Aqsý, Ekibastuz, Pavlodar, Almaty, Astana, Atyraý, Balqash, Qaraǵandy Kókshetaý, Petropavl, Taldyqorǵan, Temirtaý, Óskemen qalalarynda aýada lastaýshy zattardyń shoǵyrlanýyna yqpal etetin bolady.
Atyraý atmosferasynda azdaǵan lastaýshy zattar jınalýy múmkin. Sondaı-aq Aqtaý, Jańaózen, Qostanaı, Qyzylorda, Taraz, Shymkent qalalarynda atmosferaǵa lastaýshy zattar taralady, dep habarlaıdy Qazgıdromet.
Aýanyń lastanýyna boljam jasaýda atmosferadaǵy zııandy (lastaýshy) zattardyń jınalýyna yqpal etetin meteorologııalyq faktorlar, atap aıtqanda, jelsiz aýa, baıaý jel, tuman, ınversııa eskeriledi.
