Sınoptıkter 11 qańtarǵa arnalǵan aýa raıy boljamyn jarııa etti
ASTANA. QazAqparat - Qańtardyń 11-i kúni elimizdiń basym bóliginde atmosferalyq aǵyndardyń ótýine baılanysty aýa raıy qubylmaly bolady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn málimetterine qaraǵanda, respýblıkanyń keı jerlerinde jaýyn-shashyn bolyp, batysta ǵana kún jaýyn-shashynsyz.
Respýblıka boıynsha keı jerlerde kóktaıǵaq, burqasyn bolyp, tuman túsip, jel kúsheıedi.
Jambyl, Túrkistan oblystarynyń keı jerlerinde tuman túsip, kóktaıǵaq bolady, jeldiń jyldamdyǵy sekýndyna 15-20 metrge jetip, ekpini 25 m/s bolady.
Almaty oblysynyń Jalańashkól aýdanynda jel 20-25 m/s jyldamdyqpen uıtqıdy, túnde jáne tańerteń tuman túsýi yqtımal.
Shyǵys Qazaqstan oblysynyń keı jerlerinde burqasyn bolyp, túnde jeldiń jyldamdyǵy 15-20 m/s-qa jetedi.
Soltústik Qazaqstan oblysynyń keı jerlerinde jaıaý burqasyn bolyp, tuman túsýi yqtımal, kúndiz jeldiń jyldamdyǵy 15-20 m/s bolady.
Qyzylorda, Mańǵystaý, Atyraý oblystarynyń keı jerlerinde tuman túsip, kóktaıǵaq bolady.
Qyzylorda oblysynda joldarda kóktaıǵaq bolady.
Aqmola, Batys Qazaqstan, Aqtóbe, Qostanaı, Pavlodar, Qaraǵandy oblystarynyń keı jerlerinde tuman túsýi múmkin degen boljam bar.
