Sınoptıkter 10 naýryz kúngi aýa raıy boljamyn usyndy
ASTANA. QazAqparat - Búgin Qazaqstannyń basym bóliginde atmosferalyq frontaldy bólikterdiń ótýine baılanysty aýa raıy qubylyp turady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan málimetterge qaraǵanda, respýblıkanyń ońtústiginde jáne ońtústik-shyǵysynda - kóbine jańbyr bolady. Sondaı-aq keıbir aımaqtarda tuman túsip, kóktaıǵaq bolyp, jel kúsheıedi. Soltústik jáne soltústik-batysta jaıaý burqasyn bolady.
Soltústik Qazaqstan, Qostanaı oblystarynyń keı jerlerinde tuman túsip, kóktaıǵaq, burqasyn bolyp, jel kúsheıedi. Túnde keı jerler jeldiń ekpini sekýndyna 15-20 metrge jetedi. Kúndiz basym bóliginde 15-20 m/s bolady. Soltústik Qazaqstanda jeldiń jyldamdyǵy 23-28 m/s-qa deıin barýy yqtımal.
Aqmola oblysynyń keı jerlerinde tuman túsip, kóktaıǵaq, kúndiz burqasyn bolyp, jel sekýndyna 15-20 m/s jyldamdyqpen uıtqıdy.
Batys-Qazaqstan oblysynyń keı jerlerinde tuman túsip, kóktaıǵaq bolady. Jeldiń jyldamdyǵy sekýndyna 15-20 metrge jetedi.
Mańǵystaý oblysynyń keı jerlerinde tuman bolyp, kúndiz jel 15-20 m/s jyldamdyqpen uıtqıdy. Kúndiz Atyraý oblysynyń keı jerlerinde - jeldiń jyldamdyǵy 15-20 m/s-ke jetedi.
Jambyl, Qyzylorda, Aqtobe, Pavlodar, Qaraǵandy, Shyǵys Qazaqstan, túnde Túrkistan, túnde jáne tańerten Almaty oblystarynyń keı jerlerinde tuman bolady dep kútiledi.
