Sınoptıkter 10 mamyrdaǵy Qazaqstan qalalaryndaǵy aýa sapasy týraly aıtyp berdi
ASTANA. QazAqparat - 10 mamyrda meteorologııalyq jaǵdaılar Qazaqstannyń kóptegen qalalaryndaǵy aýa sapasyna jaıly áser etedi, dep habarlaıdy QazAqparat «Qazgıdromet» RMK-ǵa silteme jasaı otyryp.
Sınoptıkterdiń habarlaýynsha, Qaraǵandy, Astana jáne Taraz qalalarynda atmosferada lastaýshy zattar shoǵyrlanady.
Alaıda, Aqtóbe, Almaty, Atyraý, Qyzylorda, Kókshetaý, Pavlodar, Petropavl jáne Taldyqorǵanda jaısyz meteorologııalyq jaǵdaılar kútilmeıdi.
Al Qostanaı qalasynyń atomosferasynda meteorologııalyq jaǵdaılardyń áserimen lastaýshy zattar shoǵyrlanady.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýalǵa (jel, jaýyn-shashyn, ylǵaldylyq, aýa temperatýrasy) jasalatyn boljam.
