Sınoptıkter 1 naýryz kúnine arnalǵan aýa raıy boljamyn jarııa etti
ASTANA. QazAqparat - «Qazgıdromet» RMK Qazaqstanda 1 mamyr kúnine arnalǵan aýa raıy boljamyn jarııa etti, dep habarlaıdy QazAqparat.
Amosferalyq frontaldy bólikterdiń ótýine baılanysty Qazaqstannyń basym bóliginde aýa raıy qubylmaly bolady. Keı jerlerge qar jaýady, al ońtústikte jáne shyǵysta qar qalyń túsedi. Eldiń batysynda qar jaýmaıdy. Keı jerlerde jel kúsheıip, boran soǵyp, kóktaıǵaq bolady. Respýblıkanyń basym bóligine tuman túsedi.
Shyǵys Qazaqstan oblysynyń birqatar aımaqtarynda tuman túsip, boran soǵyp, kóktaıǵaq bolady. Jel sekýndyna 15-20 metrge deıin kúsheıedi, ekpini 23-28 metrge jetedi.
Jambyl, Qyzylorda, Atyraý oblystarynyń birqatar aımaqtarynda tuman túsip, kóktaıǵaq bolyp, jeldiń jyldamdyǵy sekýndyna 15-20 metrge jetedi. Aqmola oblysynda jeldiń jyldamdyǵy sekýndyna 15-20 metr bolady, túnde jáne kúndiz tuman túsip boran bolady. Ońtústik Qazaqstan, kúndiz Almaty oblysynda jel sekýndyna 15-20 metrge deıin kúsheıedi. Ońtústik Qazaqstan oblysynda tuman bolady.
Qostanaı oblysynda boran soǵyp, túnde tuman túsedi, kúndiz jeldiń jyldamdyǵy sekýndyna 15-20 metr bolady. Pavlodar, Qaraǵandy, Soltústik Qazaqstan oblystarynyń keı jerlerinde tuman túsip, jeldiń jyldamdyǵy sekýndyna 15-20 metrge jetedi. Qaraǵandy oblysynda tuman túsedi. Mańǵystaý, Batys Qazaqstan, Aqtóbe oblystarynda da tuman.
