Sinopharm Qazaqstanda tirkelgen 6-shy vaktsına

NUR-SULTAN. QazAqparat - Sinopharm ınaktıvtendirilgen vaktsınasy QR-da qoldanýǵa tirkelgen altynshy preparatqa aınaldy, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Vaktsına Qazaqstan Respýblıkasy Úkimetiniń №850 qaýlysymen bekitilgen COVID-19-ǵa qarsy vaktsınalardy ýaqytsha memlekettik tirkeý qaǵıdalaryna sáıkes ýaqytsha memlekettik tirkeýden ótti.

Preparat 18 jastan asqan adamdarda COVID-19 aldyn alý úshin belsendi ımmýndaýǵa arnalǵan. Vaktsınatsııadan keıin SARS-CoV-2 vırýsynan týyndaǵan COVID-19 aýrýynyń aldyn alýǵa kómektesetin antıdeneler shyǵarylady. Preparat bulshyqet ishine 21-den 28 kúnge deıingi aralyqpen 0,5 ml-den eki dozamen engiziledi.

Klınıkalyq synaqtardyń úshinshi kezeńiniń nátıjeleri boıynsha Sinopharm vaktsınasy klınıkalyq aıqyn koronavırýs ınfektsııasyna qarsy 79% tıimdilikti kórsetti. Gospıtalızatsııaǵa qarsy vaktsınanyń tıimdiligi de 79% qurady.

Klınıkalyq zertteýler eleýli janama áserlerdi kórsetken joq. Vaktsınada COVID-19 vaktsınalaryna standartty reaktsııalar bar: ınektsııa ornyndaǵy aýyrsyný, tumaý jaǵdaıy, álsizdik. Vaktsınany qoldanýǵa qarsy kórsetilimder kez-kelgen komponentke, buryn vaktsınalarǵa allergııasy bar adamdarǵa jáne baqylanbaıtyn epılepsııamen nemese júıke júıesiniń basqa progressıvti aýrýlarymen aýyratyn adamdarǵa allergııa bolyp tabylady.

Mańyzdy! Barlyq vaktsınalar sııaqty, bul ónim 100% profılaktıkalyq tıimdilikke ıe bolmaýy múmkin, biraq ınfektsııa bolǵan jaǵdaıda da aýrýdyń aýyrlyǵyn edáýir tómendetýi múmkin.