Sińlisiniń qujatymen shekaradan ótpek bolǵan 37 jastaǵy áıel ustaldy
ASTANA. QazAqparat - Qorǵas shekaralyq baqylaý jasaǵynyń aýmaǵynda ornalasqan Halyqaralyq shekara boıy yntymaqtastyǵyna bóten qujatpen kirmek bolǵan 37 jastaǵy qazaqstandyq azamatsha ustaldy. Bul týraly UQK shekara qyzmetine silteme jasap, QazAqparat habarlaıdy.
Tekserýge usynǵan qujaty boıynsha 1985 jyly týǵan Sholpan, bir qaraǵan adamǵa eshqandaı kúdik keltirmeıtin edi. Túr-álpeti qujattaǵy sýretke kelińkireıdi.
«Shekarashylardyń kúdigi rasqa aınaldy. Shekarashylarmen 33 jastaǵy Sholpan bolyp tanysqan kelinshek, shyn máninde onyń 37 jastaǵy týǵan ápkesi Aıman bolyp shyqty (esimderi ózgertilgen)» delingen habarlamada.
Bóten qujat kórsetýiniń sebebi - oǵan elden shyǵýǵa tyıym salynǵan eken. Bul jaıynda ishki ister organdaryna habarlandy.
Osy tekserý pýnktiniń shekarashylary keshe keshkilik 18.30 shamasynda ortalyqtyń aýmaǵyn aralap júrip avtokólikter turaǵynyń mańynan 8 qorapqa salynǵan, jalpy salmaǵy 180 kg-ǵa jýyq Qytaı dári-dármegin taýyp aldy. Eshqandaı qujatsyz júktiń, ádettegideı, ıesi tabylǵan joq.
