Synyp jetekshilerine arnalǵan tólem artýy múmkin

ASTANA. KAZINFORM — Mınıstrlik arnaıy pedagogterge tólenetin aqynyń somasyn arttyrýdy josparlap otyr. Sonymen qatar vedomstvo synyp jetekshilerin qoldaý sharalaryn qarastyrmaq.

shkola, mektep, shkolnıkı, oqýshylar, muǵalim, ýchıtel
Foto: Ádilet Beremqulov / Kazinform

— Qazir biz aýqymdy taldaý júrgizip jatyrmyz. Synyp jetekshiligine bólingen saǵattar sanyn esepteýimiz qajet. Bul jeke pán retinde engizilýi múmkin nemese múldem basqa tásil qoldanylýy yqtımal, – dedi Juldyz Súleımenova Quryltaıda ótken baspasóz máslıhatynda. 

Onyń aıtýynsha, 2029 jyly arnaıy bilim berý muǵalimderine qosymsha aqy tóleý josparlanyp otyr. Tek sodan keıin ǵana mınıstrlik synyp jetekshilerin qoldaý máselesine nazar aýdaratyn bolady.

— Búgin men sizderge naqty merzimderdi aıta almaımyn. Árıne, bul máseleni sheshý respýblıkalyq bıýdjettiń múmkindigine baılanysty. Degenmen, Oqý-aǵartý mınıstrligi bul baǵytta jumys istep jatyr jáne biz mindetti túrde sheshimin tabamyz. Bul – burynnan kele jatqan júıeli másele, – dep atap ótti mınıstr.

Buǵan deıin habarlanǵandaı, erekshe bilim berý salasyna 3 myńnan astam maman jetispeıdi.