Sınhrondy júzýdiń ataýy ózgerdi
ASTANA. QazAqparat - Halyqaralyq júzý federatsııasy (FINA) kongresiniń sheshimimen Sınhrondy júzý sportynyń ataýy artıstik bolyp ózgerdi. Daýys berý Býdapeshtegi kongreste ótkizildi. Bul kúnderi onda Sý sporty túrlerinen álem chempıonaty ótip jatyr, dep habarlaıdy reseılik TASS agenttigi.
«Sınhrondy júzýdiń ataýy - onyń damýyna jańa serpin berý úshin jáne baspasózge, adamdarǵa barynsha uǵynyqty bolýy úshin ózgertildi», - dep málim etti FINA atqarýshy dırektory Kornel Markýleský.
Eske sala ketsek, sınhrondy júzý alǵash ret Los-Andjeleste 1984 jyly Olımpıada oıyndaryna qosyldy. 1992 jylǵy Barselonadaǵy Olımpıadaǵa deıin sınhrondy júzý jarystarynyń baǵdarlamasy bir sanattan (solo) jáne juptyq sanattan turatyn. Qazirgi Olımpıadada dýet jáne top boıynsha medaldar oınatylady.
