Sıngapýrlyq kompanııalar Almaty áleýetimen tanysady
ASTANA. QazAparat - Qazaqstannyń Sıngapýrdaǵy Elshisi Úsen Súleımenniń sıngapýrlyq iri kompanııalardyń ókilderimen bılikti bólý týraly konstıtýtsııalyq reformalar men Memleket basshysy Nursultan Nazarbaev usynǵan "Qazaqstannyń úshinshi jańǵyrýy: jahandyq básekege qabilettilik" atty Joldaýynyń negizgi qaǵıdalary týraly brıfıng ótkizdi.
Sıngapýrdaǵy Elshiliktiń habarlaýynsha, is-shara sáýir aıyna josparlanǵan Almaty qalasynyń saýda-ekonomıkalyq áleýetimen tanysý jáne bıznes ókilderimen yntymaqtastyqty ornatý maqsatynda Sıngapýrdyń Saýda jáne óndiris jónindegi memlekettik mınıstri Ko Po Kýn bastaǵan sıngapýrlyq delegatsııanyń, onyń quramyndaǵy iri bıznes ókilderiniń saparyna baǵyttalǵan. Onyń ústine, atalǵan sapar barysynda Almaty qalasy ákimdiginiń qoldaýymen Qazaqstandyq-sıngapýrlyq bıznes forýmynyń uıymdastyrylýy josparlanýda.
Brıfıng barysynda Qazaqstannyń Sıngapýrdaǵy Elshisi Úsen Súleımen Elbasy N.Nazarbaevtyń júıeli saıasatynyń arqasynda Qazaqstan táýelsizdiginiń 25 jyldyq kezeńi ishinde ekonomıkasy men saıası júıesi myqty jáne berekeli ári kóp ultty qoǵam retinde qalyptasqanyn jáne álemniń 50 úzdik elder qataryna kirýge múmkindik bergenin jetkizdi.
Qazaqstandyq dıplomat Elbasy usynǵan konstıtýtsııalyq reformalar memlekettiń saýda-ekonomıkalyq áleýetin nyǵaıtý jolynda jáne eldiń ekonomıkalyq damýynyń bolashaǵy men ınvestıtsııalyq qyzyǵýshylyǵyn arttyrýǵa aıtarlyqtaı serpin bere alatynyn basa aıtty.
Sonymen qatar, brıfıng sheńberinde Elshi sıngapýrlyq bıznes toptaryn Qazaqstannyń ınfraqurylymdyq jobalardyń, ásirese, "Nurly jol" jańa ekonomıkalyq saıasatyn júzege asyrý sheńberinde, oǵan qosa, ózara saýdany iske asyrý maqsatynda, Qazaqstan strategııalyq mańyzdy "Jibek joly ekononomıkalyq beldeý" jobasynyń múmkindikterin paıdalana otyryp, Lıanıýngan portyndaǵy qazaqstandyq-qytaılyq termınalynyń múmkindikterin zertteýge shaqyrdy.
