Sıngapýrlyq ınvestorlar Shymkentte birneshe balabaqsha men mektep salmaq
Jobanyń iske asyrylýymen «Kazakh invest» AQ aınalysatyn boldy. Al, seriktes retinde birlesken «Shymkent» áleýmettik-kásipkerlik korporatsııasy ÁKK qurylys jumystaryn qolǵa almaq. Korporatsııanyń basqarma tóraǵasy Rashıd Aıýpov XII-shi Astana ekonomıkalyq forýmyna qatysyp, KinderWorld International Group Ltd kompanııasynyń asqarma tóraǵasy Rıkı Tenmen kezdesip, jańa jobany talqylady.
«Biz burynnan-aq Shymkent qalasynda tanymal sheteldik mektepter men ýnıversıtetterdiń fılıaldaryn ashý úshin sheteldik ınvestorlardy bilim berý salasyna tartqymyz keletin. Jańa klasterde, mektepte de, ýnıversıtette de alynǵan akademııalyq bilim Kembrıdjdik mektep bilimi týraly Halyqaralyq jalpy attestatty qosa alǵanda, baǵalaýdyń halyqaralyq ólshemderine sáıkes keletin bolady. Biz jer ýchaskesin anyqtadyq, jaqyn arada jobalyq-smetalyq qujattardy ázirleý bastalady. Jobany júzege asyrý merzimi 3 jyl, al jalpy quny - shamamen 20 mln dollar, bul soma ósýi múmkin», - dedi Rashıd. Aıýpov.
Aıta keteıik, Kinder World bilim berý toby 1986 jyly Sıngapýrda qurylǵan. Búgingi tańda Vetnam, Malaızııa jáne Taılandta 20 kampýsy jumys isteıdi.
