Sıngapýrlyq kompanııa Astanany óńirlik avıatsııalyq habqa aınaldyrý isine atsalyspaq
ASTANA. KAZINFORM – Qazaqstan Respýblıkasynyń Premer-mınıstri Oljas Bektenov sıngapýrlyq Changi Airport Group (CAG) kompanııasynyń bas atqarýshy dırektory ıAm Kým Vengpen kezdesý ótkizdi, dep habarlaıdy Úkimettiń baspasóz qyzmeti.
Onda avıatsııa salasyndaǵy jobalardy júzege asyrýdaǵy yntymaqtastyq perspektıvalary talqylandy.
Oljas Bektenov Memleket basshysy Qasym-Jomart Toqaevtyń halyqaralyq avıatsııalyq hab qalyptastyrý jónindegi tapsyrmalaryna sáıkes Astananyń áýejaı ınfraqurylymyn damytý boıynsha keshendi jumystar júrgizilip jatqanyn, sonyń ishinde ekinshi áýejaıdyń qurylysy salynýda ekenin atap ótti.
Osyǵan oraı Qazaqstan men Sıngapýr arasyndaǵy naqty ózara is-qımyldy keńeıtý úshin eleýli áleýet baryna nazar aýdaryldy. Kompanııanyń halyqaralyq tájirıbesi men tehnologııalyq saraptamasyn Qazaqstannyń avıatsııalyq ınfraqurylymyn damytýǵa tartý qajettigine kóńil bólindi.
Changi Airport Group Sıngapýrdaǵy Changı halyqaralyq áýejaıy men Seletar áýejaıyn basqarady. Changi Airports International enshiles qurylymy arqyly álemniń 20-dan astam elindegi 60-tan astam áýejaıda áýejaı ınfraqurylymyn damytý, basqarý jáne bas josparlaý jobalaryna qatysady. GAI sonymen qatar bıometrııa men avtomattandyrýdy qosa alǵanda, ozyq tsıfrlyq sheshimderdi engizedi jáne kómirtekti beıtaraptyq prıntsıpterin ustanady.
ıAm Kým Veng Changi Airport Group kompanııasynyń Qazaqstanmen yntymaqtastyqty odan ári tereńdetýge múddeli ekenin bildirdi.
Sıngapýrlyq kompanııanyń basshysy Astana qalasynyń Eýropa men Azııa arasyndaǵy kópir retindegi zor áleýetin atap ótip, elordada jańa áýejaıdy óńirlik hab jáne óńirlik ortalyq retinde salý jobasyn júzege asyrý barysynda kompanııanyń áýejaı salasyndaǵy saraptamasy, bilimi men tájirıbesin usynýǵa daıyn ekenin aıtty.
Kezdesý qorytyndysy boıynsha taraptar Qazaqstan – Sıngapýr qarym-qatynastarynyń joǵary deńgeıin jáne praktıkalyq ózara is-qımyldy odan ári keńeıtýge múddeliligin rastady. Budan ári yntymaqtastyq tolyqqandy áýejaı ekojúıesin qurýǵa baǵyttalýy múmkin ekeni atap ótildi.
Elimizdiń avıatsııalyq júıesi qalaı qalyptasyp jatqany týraly sarapmatamany myna jerden oqýǵa bolady.
