Sıngapýrdyń «Shyǵanaqtaǵy baqtar» jobasy aıaqtalyp keledi
ASTANA. 5 sáýir. QazAqparat - Sıngapýrdyń «Shyǵanaqtaǵy baqtar» ulttyq jobasy aıaqtalyp keledi. Bul týraly jobanyń resmı saıtynda málim etildi, dep habarlady ITAR-TASS.
«Baqtar» shyǵanaq sýymen bólingen úsh taqyryptyq bólikten turady. Saıabaqtyń jalpy kólemi - 101 gektar. Eń úlken áshekeıi 2 arnaıy oranjereıa men 18 alyp «sýperaǵashtar» bolmaq. Bul beton «ósimdikter» sonymen qatar elektr stansalary mindetin atqaryp, elektr qýatyn óndiredi jáne jańbyr sýyn ázirleıdi. «Sýper aǵashtardyń» ushar basyna kún batereıalary ornalastyrylǵan, al - dińine sýǵa arnalǵan arnaıy rezerýarlar ornatylǵan. Al tiri organızmge qyryqqulaq, orhıdeıa men bromel epıfıtteri paıdalanylǵan, olar aýada aǵashtarda óse beredi, tamyrlary topyraq pen sýdy qajet etpeıdi, al ósimdikter ózindik shaǵyn ekojúıe quraıdy.
Joba óziniń biregeı kelbetimen jáne aýqymymen tańǵaldyrady. Jańa kórnekti oryn munda týrısterdi kóptep tartatyny sózsiz.
