Sıngapýrdyń botanıkalyq baǵy elde alǵashqy bolyp ıÝNESKO-nyń búkilálemdik muralary tizimine endi
ASTANA. QazAqparat - Sıngapýrdyń botanıkalyq baǵy búgin ıÝNESKO-nyń búkilálemdik muralary tizimine engizildi, dep habarlady TASS.
Bul halyqaralyq uıymnyń osyndaı sanatyna qosylǵan respýblıkadaǵy alǵashqy nysan. Ony jarııalaý rásimi uıymnyń Bonndaǵy 39-shy konferentsııasy kezinde ótti.
«Biz úshin, ásirese, bıyl Sıngapýr respýblıkasy qurylýynyń 50 jyldyǵyn atap ótetin kezde bul sheshim óte-móte mańyzdy», - dep málimdedi mádenıet, qaýymdar jáne bilim mınıstri Loýrens Vong.
Ataqty sıngapýr baǵyn jasaý ıdeıasyn Sıngapýrdyń negizin qalaýshy dep sanalatyn ser Stemford Rafflz (1781-1826) usynǵan bolatyn. Qazirgi kezde ol 74 gektar aýmaqty alyp jatyr. Barlyq týrıstik jolkórsetkishterde Botanıkalyq baq bolýǵa mindetti oryn esebinde belgilengen, ásirese - onyń ortalyq bóligindegi orhıdeıa saıabaǵy. Onda osy gúlderdiń álemdegi eń úlken kollektsııasy, sondaı-aq ony ósiretin eń ozyq ortalyq bar. Saıabaqta orhıdeıanyń keminde 60 myń túri ósiriledi.
