Sıngapýrdyń birinshi premeri Lı Kýan ıÝ-dy aqtyq saparǵa shyǵaryp salýǵa 1,4 mln-nan astam adam bardy
ASTANA. QazAqparat - 1,4 mln-nan astam adam Sıngapýrdyń birinshi premeri Lı Kýan ıÝ-dy aqtyq saparǵa shyǵaryp salýǵa bardy. Bul týraly jerleý rásimin uıymdastyrýmen aınalysatyn uıymdastyrýshy komıtet habarlady, dep jazady TASS.
«Qarapaıym halyq 25 - 28 naýryz aralyǵynda Lı Kýan ıÝ máıiti jatqan parlament ǵımaratyna bara aldy», - delingen habarlamada. Parlamentte kezekte kútý keı kúnderi 10 saǵatqa deıin jetken.
Uıymdastyrý komıtetiniń Facebook jelisindegi resmı paraqshasyna bul kúnderi shamamen 4 mln. paıdalanýshy kirgen. Komıtet saıtynyń bir kúndik aýdıtorııasy 313 myń adamǵa jetip otyrǵan.
Jeksenbi kúni tańerteńnen sıngapýrlyqtar birinshi premerin aqtyq saparǵa shyǵaryp salý úshin onyń múrdesin ótkizetin jerde oryn alyp jatyr. Ulttyq ýnıversıtettiń mádenı ortalyǵynda jergilikti ýaqytpen saǵat 14:00 resmı jerleý rásimi ótedi. Shamamen saǵat 16:00 (11:00 msk) dabyl qaǵylyp, barlyq qala boıynsha bir mınýttyq únsizdik bolady. Bul sátte jerdegi barlyq kóliktiń júrýi toqtatylady.
Aıta keteıik, Sıngapýrdyń birinshi premeri Lı Kýan ıÝ 23 naýryzda jergilikti aýrýhanalardyń birinde kóz jumdy. Bul jerge ol aqpannyń basynda ótkir pnevmonııa dıagnozymen túsken bolatyn.
