Sıngapýrdegi jasóspirimder olımpıadasynda ziltemirshilermiz 3 medal jeńip aldy
ASTANA. Tamyzdyń 19-y. QazAqparat /Qanat Mámetqazyuly/ - Sıngapýrde ótip jatqan jasóspirimder Olımpıadasynda qazaqstandyq ziltemirshiler elimizdiń qurama komandasynyń qorjynyn úshinshi medalmen tolyqtyrdy. Buǵan deıin Jazıra Japparqul (63 kılá) men Zúlfııa Chınshanlo (58 kılá) altyn jáne kúmis medal enshilese, keshe qyzylordalyq Rústem Sybaı qola medalǵa qol jetkizdi.
Esterińizge sala keteıik, tarıhta tuńǵysh ret jasóspirimder Olımpıadasy ótken senbi kúni Sıngapýrde bastalǵan bolatyn. Tamyzdyń 14-26-sy aralyǵynda ótetin Olımpıadaǵa qazaq elinen 48 sportshy attandy. Jasóspirimder arasyndaǵy bul aıtýly básekege álemniń ár túrli elderinen kelgen 3 myń 594 sportshy qatysýda. Olar negizinen 14 pen 18 jas aralyǵyndaǵy jasóspirimder. Bul álemdik dodada qatysýshylar sporttyń 30 túrinen baq synaspaq. Onda jalpy sany 201 medal sarapqa túskeli otyr.
