Sıngapýrdegi jasóspirimder Olımpıadasyna qazaq elinen 48 sportshy attandy
ALMATY. Tamyzdyń 16-sy. QazAqparat /Erbol Turymbetov/ - Ótken senbi kúni Sıngapýrde tarıhta birinshi ret jasóspirimder Olımpıadasy bastaldy. Tamyzdyń 14-26-sy aralyǵynda ótetin Olımpıadaǵa qazaq elinen 48 sportshy attandy, dep habarlaıdy QazAqparat.
Tarıhta tuńǵysh ret ótkizilip otyrǵan bul aıtýly básekege álemniń ár túrli elderinen kelgen 3594 sportshy qatysýda. Olar negizinen 14 pen 18 jas aralyǵyndaǵy jasóspirimder. Bul álemdik dodada qatysýshylar sporttyń 30 túrinen baq synaspaq. Onda jalpy sany 201 medal sarapqa túskeli otyr.
«Bul jarys alǵash ret ótkizilip otyrǵandyqtan bizdiń quramanyń rezervteriniń deńgeıin de baıqaýǵa múmkindik beredi. Ulttyq qurama sapynda óner kórsetip júrgen keı sportshylarymyz da osy saıystarǵa qatysýda. Sondyqtan, qurama músheleri qomaqty júlde oljalaıdy dep úmittenemiz», deıdi qalalyq týrızm, sport jáne dene shynyqtyrý basqarmasynyń bastyǵy Qaıyrbolat Haıdarov. Onyń aıtýynsha, Almatylyq sportshylar bul saıystarda sporttyń 6 túrinen synǵa túspek. Júldegerler qataryna iligýge sý doby oıynshylary úmitti. Qurama sapynda Almaty atynan Alına Súndeeva, Marta Gavrılova, Valentına Dıagtereva, Irına Danılova jáne Tatıana Kýrasova bardy.
Sonymen qatar, bessaıysshylar German Sobolev pen Dılıara Іlııasova, jeńil atletshiler Marına Zaıko men Vladıslav Podtsýko, mergen Ershat Avhadıev, sýǵa júzýshi ıÝlııa Lıtvına jáne at sportshysy Tımýr Potarovtardyń da aty ataldy.
