Sıngapýrde jalǵan aqparat taratqandar 5 jylǵa sottalýy múmkin
NUR-SULTAN. QazAqparat – Sıngapýrde feık jańalyqtar týraly zań kúshine endi. Zań boıynsha jalǵan aqparat taratýshylarǵa aıyppul salynyp, túrmege otyrǵyzý jazalary qarastyrylǵan, dep jazady CNN.
«Synshylar bul zań sóz erkindigine qaýip tóndiretinin aıtýda. Al úkimet zańdy Internettegi jalǵan áreketter men manıpýlıatsııalardan qorǵaný úshin qabyldaǵanyn, jalǵan aqparat qoǵamdyq qaýipsizdik pen tynyshtyqqa keri áserin tıgizetinin aıtty. Al Facebook pen Google sekildi tehnologııalyq kompanııalar zań jobasyna o basta qarsy shyqty, sebebi zań boıynsha parlament olardan jalǵan aqparat taratqan saıttar men adamdardyń akkaýnttaryn buǵattaýdy talap ete alady», dep jazady avtor. Onyń aıtýynsha, jalǵan aqparat taratqan adamǵa zań boıynsha 36 000 dollar aıyppul salynady nemese bes jylǵa deıin bas bostandyǵynan aıyrylady.
«Eger jalǵan aqparat dáleldenbegen ondaın akkaýnttar men bottardyń paıdalanylýy arqyly taratylsa, oǵan $ 73 000 aıyppul nemese on jylǵa deıin bas bostandyǵynan aıyrylýy múmkin», dep jazady avtor. Al jalǵan aqparat taratqan kompanııalarǵa 735 000 myń dollar aıyppul salý qarastyrylǵan.
«Shekarasyz reporterler» (RSF) sońǵy álemdik reıtınginde Sıngapýr baspasóz bostandyǵy boıynsha 180 memleketten 151-inshi orynda tur. Halyqaralyq zańgerler komıssııasy men kóptegen advokattar men sottar da zańdy qatań synǵa alyp, bul baspasóz bostandyǵyna kesirin tıgizetinin aıtty», dep jazady avtor.
