Sıngapýrde ótken tehnologııalyq konferentsııada qazaqstandyq joba úzdik ondyqqa endi
ASTANA. QazAqparat - Sıngapýrde ótip jatqan iri «Echelon Asia Summit» 2015 tehnologııalyq konferentsııasynda perspektıvaly start-jobalar tańdaldy. Іrikteý nátıjesi boıynsha qazaqstandyq «EcoSocket» jobasy úzdik Top-10-qa kirdi.
Qazaqstandyq qatysýshylardyń aıtýynsha, otandastarymyz Sıngapýr, Gonkgong, Avstralııa, Taıvan, Taıland jáne Fılıppın jobalarymen básekege túsken. «EcoSocket» - belgi berý úshin Wi-Fi-taratqysh, toq tetigi, relemen jaraqtalǵan elektr aspabyna rozetkadan jalǵasatyn tetik (elektr energııasyn tutyný naqty aspappen jáne energııa kózinen aspapty sóndirý/jaǵý tetigimen ólshenedi). «Biz ondyqqa kiretinimizge senimdi boldyq. Uzaq ýaqyt daıyndaldyq. Azııalyq startap-qaýymdastyq keńes berýge birden ázirligimen, belsendiligimen erekshe. Birneshe kezdesýler taǵaıyndalyp, ınvestıtsııalar usynyldy. Erteń konferentsııanyń basty sahnasyna shyǵamyz. Jobany pysyqtaý ústindemiz», - dedi jobanyń negizin qalaýshy Sanjar Myrzaǵalym. -EcoSocket» tetiginen basqa qazaqstandyq taǵy 8 startap bar. «Samuryq-Qazyna» UÁQ» qoldaýymen óz ónimderimizdi alǵash ret álemdegi eń iri naryqtarǵa (Úndistan men Qytaıdy eseptemegende 800-den astam adam) shyǵaryp otyrmyz, - dedi ol.
