Sıngapýrde Naýryz merekesi toılandy

SINGAPÝR. QazAqparat - Sıngapýrdegi Qazaqstan elshiligi birqatar qazaqstandyq kompanııalardyń qoldaýymen Naýryz meıramyn toılady. Oǵan 250-den astam adam qatysty, dep habarlaıdy «QazAqparat» HAA menshikti tilshisi.

Sıngapýrdegi Qazaqstan Elshisi Úsen Súleıman óz sózinde Naýryz meıramy ata-babalarymyzdyń danalyǵyn, olardyń ómir súrý saltyn kórsetetin merekelerdiń biri ekenin atap ótti. Sıngapýrde oqıtyn stýdentterge Elshi Qazaqstan damýdyń jańa belesterine shyqqan tusta jastarǵa da úlken jaýapkershilik júgi artylatynyn atap ótti.

Bul tusta Qazaqstan úshin dástúrli mádenıetti bilý mańyzdy artyqshylyq bolyp sanalmaq.

Sıngapýrde oqyp júrgen qazaqstandyqtardyń erekshe eńbekteri atalyp ótti: kórkem gımnastıkadan Sıngapýr ulttyq chempıonatynda úsh kúmis, bir qola júlde ıegeri atanǵan Elına Aleksandrovna, 2019 jyly Sıngapýr orta mektepteri arasyndaǵy robototehnıka jarystarynan «1st Runner Up» syılyǵyn jeńip alǵan Zakı Ydyryshevterdiń aty ataldy.

Qazaqstandyq ánshiler Qaırat Qabyshev, Talǵat Maemgenov jáne Aqmaral Myńbaevanyń oryndaýynda ulttyq áýender oryndalyp, jarystar men konkýrstar uıymdastyryldy. Teatrlandyrylǵan qoıylymdar qoıylyp, merekelik ulttyq taǵamdar ázirlendi.

Avtory: Sadyq Akıjanov