Sıngapýrde meıramhanalar men dámhanalarda temeki shegýge tyıym salyndy
ASTANA. QazAqparat - Sıngapýr bıligi meıramhanalar, dámhanalar men basqa da qoǵamdyq tamaqtaný oryndaryna temeki shegýge arnalǵan jabdyqtar úshin lıtsenzııa berýdi toqtatty, dep habarlaıdy TASS.
Buryn berilgen ruqsat qaǵazdary merzimi aıaqtalǵanǵa deıin jaramdy bolady, keıin temeki shegýge tyıym salynady.
Qorshaǵan ortany qorǵaý ulttyq agenttigi aldaǵy jyldyń 1 shildesinen bastap qala-memlekettiń kóptegen dúkenderi ornalasqan Orchard ortalyq kóshesinde temeki shegýge tolyqtaı tyıym salynatyn bolady.
Tek arnaıy jabdyqtalǵan oryndarda ǵana shegýge ruqsat etiledi. Osy kóshede ornalasqan barlyq dámhanalar men meıramhanalar kelesi jyldyń 30 maýsymyna deıin temeki shegý oryndaryn joıýy tıis.
Ótken jyly bılik 400 orman turaǵy aýmaǵynda temeki shegýge tyıym salyp, erejeni kúsheıtken edi. Budan buryn saýda ortalyqtary, medıtsınalyq mekemeler, qoǵamdyq kólik aıaldamalaryna qatysty osyndaı sharalar engizildi.
