Sıngapýrde er adam elge 52 gramm geroın ákelgeni úshin ólim jazasyna kesildi

ASTANA. KAZINFORM – Sıngapýr soty 38 jastaǵy Malaızııa azamatyn ólim jazasyna kesti, dep habarlaıdy Kazinform agenttigi.

Eldiń Ortalyq esirtki bıýrosy Pannır Selvam Prantaman Sıngapýrge kem degende 51,84 gramm geroın ákelgeni úshin sottalǵanyn málimdedi. 

2014 jyldyń 3 qyrkúıeginde Pannır mototsıklimen Výdlends baqylaý-ótkizý pýnkti arqyly ótip bara jatqanda ony mıgratsııa jáne baqylaý-ótkizý beketiniń qyzmetkerleri kezdeısoq toqtatqan. Mototsıkldiń artqy oryndyǵynyń bagajynan bir paket untaq tabyldy. Odan bólek kúdiktiniń shap aımaǵynan úsh pakettegi untaq tárkilendi. 

Sıngapýrdiń esirtkini teris paıdalanýǵa qatysty zańynda (MDA) ımporttalatyn zattyń mólsheri 15 gramnan assa, ólim jazasy qarastyrylady.

– 51,84 gramm dıamorfın bir apta ishinde shamamen 620 nashaqordyń táýeldiligin qanaǵattandyrýǵa jetkilikti, - delingen bıýro málimdemesinde. 

Sottalǵan azamat birneshe ret apellıatsııalyq shaǵym túsirgen. Oǵan qosa Pannırdiń el prezıdentine keshirim jasaý týraly 6 ótinishi de qabyldanbapty.

– Sıngapýrde ólim jazasy tek jeke nashaqorlarǵa ǵana emes, sonymen birge olardyń otbasylaryna jáne tutastaı qoǵamǵa zııan keltiretin esirtkiniń aıtarlyqtaı mólsherin ákelý nemese satý sııaqty asa aýyr qylmystar úshin taǵaıyndalady, - dep atap ótti bıýro. 

Esk sala ketsek, buǵan deıin Qyrǵyzstan prezıdenti eldegi sot júıesine ólim jazasyn engizýdi buıyrǵanyn habarlaǵan edik.